„Падот на Лондон“ во „Синеплекс“

После нападот на Белата Куќа и киднапирањето на Претседателот во „Падот на Олимп“, агентот Мајк Бенинг (Џерард Батлер) е повторно во акција за негово спасување при повторен обид за атентат на Претседателот во „Падот на Лондон“.
После смртта на британскиот премиер од мистериозни причини, сите водачи на западниот свет мора да присуствуваат на неговиот погреб. Но, она што започнува како најобезбедениот настан на планетата ќе излезе дека е смртоносен заговор за да се изврши атентат врз највлијателните светски лидери и да се открие вознемирувачката визија за иднината. Претседателот на САД, неговата импресивна тајна служба и англиски МИ-6 агент кој никому не верува се единствените луѓе кои имаат надеж за да се спречи сѐ.

Се враќа одличната смешна панда По во новото продолжение на возбудливата анимирана авантура „Кунг Фу Панда 3“. По е акционен херој што сака кнедли и има страст кон боречките вештини, но кога неговиот одамна изгубен татко ненадејно ќе се појави, одново комплетираното дуо патува во тајниот рај на пандите да се запознаат со неверојатно смешни и нови ликови. Меѓутоа, кога Каи, злобник со натприродни моќи почнува да ги победува кунг фу мајсторите низ Кина, По мора да го стори невозможното – да научи едно село полно мирољубиви и смотани ликови да станат ултимативна кунг фу банда! Филмот е во режија на Џенифер Ју Нелсон и Алесандро Карлони, гласовите ги позајмуваат Џек Блек, Брајан Кренстон и Џ.К. Симонс, Анџелина Џоли, Џеки Чен, Сет Роген, Луси Лиу, Дејвид Крос, како и Дастин Хофман и Кејт Хадсон.

Филмот „Бруклин“ на Џон Краули е трогателна приказна за Еилиса Лејс, млада ирска имигрантка која го наоѓа својот пат низ Бруклин за време на 1950-те години. Привлечена од ветувањата на Америка, Еилис ја напушта Ирска и удобноста на мајчиниот дом и се упатува кон бреговите на Њујорк. Првите окови на носталгијата брзо исчезнуваат кога свежата романса ќе ја втурне Еилис во опојната прегратка на љубовта. Но, набрзо нејзината полетност ќе биде прекината од нејзиното минато и Еилис ќе мора да избира меѓу двете земји и меѓу животот што тие го нудат. Филмот Бруклин доби три номинации за Оскар: за најдобар филм, главна актерка и адаптирано сценарио.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.