Коста не е виновен за инцидентот со Бери, ќе добие суспензија само за непослушноста кон судијата

Дисциплинската комисија на ФА реши да нема казна за Диего Коста, кој беше исклучен на дуелот од Купот на ФА меѓу Евертон и Челси, за судирот со противнички играч, но ќе има за одбивањето да го напушти теренот по добиениот црвен картон.

Коста во финишот на средбата заработи втор жолт картон, а за време на судирот со фудбалерот од средниот ред на Евертон, Герет Бари, се обиде и да го гризне противникот. Сепак, нема да има казна за ова.

ФА ќе му прогледа низ прсти за тој случај, но шпанскиот офанзивец ќе мора да одмора поради караницата со судијата и одбивањето да го напушти теренот. За него е поведена дисциплинска постапка, а наредниве денови ќе се знае и казната.

Челси загуби со 2-0 од Евертон, завршувајќи ги своите настапи во Купот на ФА .

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.