На денешната јавна седница за оцена на обвинителниот акт за случајот „Ќелија“, шестмина од вкупно 11 обвинети, кои се осомничени дека се бореле на страната на Исламска држава во Сирија и врбувале и индоктринирале македонски државјани за учество во паравоените структури, ја признаа вината.
Првоосомничениот, оџата Мемиш Р., потоа Фазли Суља, Мухамед Шеху, Сејфула Едемовски, Ахмет Дарлишта и Ресуљ Саити се изјасниле дека се чувствуваат виновни, а Судот ги упати со обвинителството да се спогодат околу нивната казна.
Акцијата „Ќелија“ беше спроведена на 6 август минатата година. Според тогашните информации на Министерството за внатрешни работи, Скопје било главното упориште на лицата што од Македонија организирале и ангажирале војници во странски паравоени формации.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
