Форумот на жени на ДОМ по повод 8 Март поведува кампања за економско јакнење на жените, зошто, како што сметаат од партијата, економската независност е предуслов жените да бидат вистински слободни и реализирани личности.
Како што соопшти денеска на прес-конференција претседателката на Форумот на жени на ДОМ Маја Морачанин обезбедени се субвенции за жени претприемачки во висина од 70 проценти од претходно вложени средства во бизнисот, но не повеќе од 2.000 евра.
-Жените треба прво самите да вложат три до четири илјади евра, па да конкурираат за дополнителни средства, поднесувајќи голем број документи. Притоа, субвенции се даваат исклучиво за производство, а се исклучуваат други дејности како: трговија, образование, здравство, адвокатура, нотаријат, туризам, земјоделие и рибарство. Државните институции се оглушуваат на укажувањата на заинтересираните страни и граѓанскиот сектор, па сметаме дека е неопходна континуирана кампања, се до промена на состојбите – истакна Морачанин.
Форумот на жени на ДОМ предлага повеќе решенија меѓу кои и менување на концептот на програмата за женско претприемништво, со што ќе стане отворена и инклузивна за секакви дејности со кои жените претприемачки би се бавеле, проширување на опфатот на бизниси според обемот, што значи да има неколку градации на бизниси (микро, мали и средни), за да се излезе во пресрет на поголем број жени…
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
