Без разлика дали сте активен вежбач или сте рекреативец, мора да знаете дека шеќерите се основното движечко гориво на вашите мускули. Консумирањето јаглехидрати и течности пред вежбањето и за време на тренингот го одредува и неговиот интензитет. Оние што тренираат повеќепати неделно, подолго од еден час, нема да ја добијат потребна енергија со консумирање само слатки сокови, туку ќе мора да ја вклучат и исхраната. Може да изедете сендвич, бидејќи тој е извор на примарни јаглехидрати, кои согоруваат за време на физичката активност, а на телото му помагаат да го одржи енергетскиот баланс и да ја изгради мускулната маса.
ПРОТЕИНИ ПО ВЕЖБАЊЕТО
Протеините ја одредуваат снагата и цврстината на телото, а првенствено имаат улога да ги закрепнат мускулите по тренингот. Затоа би требало да се консумираат веќе еден час по вежбањето. Количеството протеини треба да биде умерено, а лице со просечна тежина би требало да консумира 0,8 гр по килограм.
„Новите протеини би требало да ги внесете пред телото да ги исцрпи старите“,советува д-р Мајкл Хјустон од Универзитетот во Тексас. Само 100 гр пилешки гради содржат 30 гр протеини, а многу малку масти. Пилешките гради можете да ги комбинирате со разни намирници.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
