Премиера на филмот „Штрајф – Едно пеколно возење” на 1 март во кино „Фросина“

Премиерата на документарниот филм „Штрајф – Едно пеколно возење” ќе се одржи на 1 март 2016 година, со почеток во 20 часот, во киното Фросина (Младински културен центар) . Филмот ја разработува приказната за една од најстрашните спуст патеки во светот, а покрај филмот ќе се одржат и уште неколку презентации поврзани со скијањето кај нас.

STREIF е добитник на ROMY наградата за најдобар докуемнтарен филм во 2015-та година. За време на премиерите низ Европа, филмот распродаде безброј проекции, а оваа година започнуваат и премиерите низ Америка. Затоа не ја пропуштајте оваа несекојдневна прилика да ја погледнете премиерата на овој возбудлив документарен филм во Скопје!

streif 002

За филмот: Цели 75 години традиционалната трка Ханенкам во Кицбил, Австрија, произведува незаборавни триумфи и трагедии со големи емотивни болки, наследство кое е полно со митови и легенди. Никаде на друго место скијањето не се прославува толку интензивно. “Штрајф – едно пеколно возење” сликовито го споделува овој значаен повод, заедно со самите подготовки. Ова е документарен филм за ултимативниот ски натпревар!

Филмот ги следи протагонистите во текот на дванаесет емотивно набиени месеци во кој сè се врти околу врховната дисциплина на ски трките, спустот, во неговиот најозлогласен и најславен облик. Страста и неизвесност се интензивираат, а резултатот – дали победа, пораз или несреќа – е неизвесен до самиот крај. Интензивната активност е прекината само со речиси неподносливата минута молчење пред секој од тркачите да се впушти во својата трка.

Бајковитиот тиролски град Кицбил врие од енергија откако трката во 2013 година завршува со весела забава. И тоа со добра причина: никаде на друго место елитните скијачи не се толку среќни што се вратиле од трката во еден дел. За нив падината за спуст Шрајф на планината Ханенкам е врвен предизвик кој може да се завладее само со совршена техника и извонредна храброст.

Пред самиот филм ќе се одржат и неколку презентации:
– Презентација на Александар Атанасовски Чаве – Алпски скијачки клуб СКАДИ, Скопје
– Презентација на Кирил Насков, ски&сноуборд клуб Полар, Скопје

Трејлер: https://www.youtube.com/watch?v=uMAlRaBxw4M

Фејсбук настан: https://www.facebook.com/events/956349411127939/

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.