Кога во 2003 година на НБА Олстар викендите дебитираше натпреварувањето во вештини со водење топка, замислата беше тоа да биде натпревар на плејмејкерите и играчите на бековски позиции, кои се всушност највешти во тоа. Така беше до годинашниот собир во Торонто, кога доминираа асови како Џејсон Кид, Стив Неш, Двејн Вејд, Тони Паркер… И оваа година се појави крилниот центар на Минесота, Карл Ентони Таунс, кој е првиот „висок играч“ со 213 сантиметри кој им одржа лекција на пониските колеги.
Карл Ентони заблеска синоќа и покажа дека и високите играчи одлично се снаоѓаат во водењето на топката. Во финалето го победи Ајзеа Томас од Бостон, кој беше фаворит. Нивната финална пресметка беше и тоа како интересна, бидејќи беа израмнети до последниот шут за три поени а по неколку обиди, асот на Минесота прв погоди тројка и победи на општо воодушевување.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
