Специјалното јавно обвинителство одработува политичка агенда на СДСМ, вели универзитетската професорка Тања Каракамишева-Јовановска во дебатата на ТВ НОВА.
Според неа станува збор за организирана хајка и дека се прекршени законите, уставот и пресумпцијата на невиност.
-Уставот е повреден, начелото на законитост е повредено. Не може во истражна постапка да се жигосуваат луѓе. Тоа е дел од сценарио. СЈО е ставено како спрега на СДСМ, а Јанева одработува политичка агенда. Таа немаше законски основи така да ги постави работите, рече професорката.
Каракамишева-Јовановска вели дека денешната прес-конференција на СЈО е надвор од правна логика и правна издржаност.
-Државни органи и медиумите се должни да се придржуваат до пресумпција на невиност, рече таа во ТВ НОВА.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
