Британско-холандската нафтена компанија „Ројал Дач Шел“ потврди дека ќе укине десет илјади работни места, како последица на најголемиот пад на профитот во последните 13 години.
Во последниот квартал од 2015 година оваа најголема европска нафтена компанија оствари профит од 1,8 милијарди долари, што е значително помалку во споредба со претходната година кога профитот на „Шел“ изнесуваше 4,2 милијарди долари. Според податоците на компанијата, вкупната заработка во минатата година изнесувала 3,8 милијарди долари, наспроти заработените 19 милијарди на крајот од 2014 година.
Минатиот месец акционерите на „Шел“ се согласија компанијата да биде преземена од помалата „БГ груп“. „Шел“ веќе ги намали трошоците на работењето за четири милијарди долари или за десет отсто, а најави дека годинава трошоците ќе се намали за дополнителни три милијрди долари. Доколку сите овие мерки не помогнат за стабилозација на компанијата, „Шел“ ќе преземе и други дополнителни потези за намалување на трошоците, за да може да се справи со големиот пад на цената на суровата нафта, изјави извршниот директор Бен ван Берден.
Во време кога беше дадена согласност за преземање од фирмата „БГ груп“, цената на нафтата изнесуваше 55 долари за барел, а сега таа е падна на околу 30 долари. Оваа нафтена компанија веќе продаде имот и средства во вредност од 5,5 милијарди доалри, а планира и доплнителна продажба на имот и средства за уште 30 милијарди долари.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
