Без електрична енергија утре од 8:30 до 15:00 часот ќе останат корисниците од дел од улиците „Пајак“, „Аминта Трети“, „Јордан Хаџи Константинов Џинот“, „Ристо Шишков“ и „8-ми Март“ во општина Центар.
Од 8:30 до 10:30 часот без струја ќе биде и дел до улица „Бел Камен“ и „Козара“ во општина Центар.
Како што соопшти регионалниот центар за управување со кризи на Град Скопје, прекинот е заради изведување на технички зафати во електро-системот.
Од 9:00 до 14:30 часот утре без струја ќе биде и реонот околу Саат кулата, во општина Чаир. Без струја од 10:00 до 12:00 часот ќе останат и дел од корисниците од улиците 1552 бб, Визбегово, фирма „ТехносМонт“ и една фирма околу нив во општина Бутел.
Без напон утре од 9:30 до 14:00 часот ќе биде улица 100, во Ново Село, во општина Ѓорче Петров. Од 8:30 до 12:30 часот без струја ќе биде „ПМ Маркет“ на главна улица кон село Миладиновци, како и улиците 9 и 8 во општина Илинден.
Задутре од 9:00 до 14:30 часот без напон ќе биде реонот околу Саат кулата во општина Чаир. Дел од корисниците од село Мршевци, цело село Бујковци и Телеком во општина Илинден, без струја ќе бидат од 8:30 до 13:00.
Од 9:00 до 11:00 часот на 15 јануари ќе бидат и корисниците од дел од улиците „Диме Аницин“, „Роза Луксембург“, „Васил Антевски“ и корисниците од „9-ми Мај“ во општина Центар.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
