Неверојатната искреност на Водолијата многумина ја сметаат за симпатична, додека има и такви на кои им е чудно како некој може да биде толку искрен.
Водолијата нема да се воздржува и ќе ви каже дека сте се здебелиле, или дека фармерките не ви стојат добро или било што што смета дека можете подобро да го направите.
Водолијата е отворена, сака да се забавува и дружи. Секогаш е подготвена да помогне, а нејзината интелигенција често ги надминува границите, но ретко кога ќе ја искористи во целост бидејќи по малку е мрзелива.
Водолијата не сака некој да ја ограничува и подготвена е отворено да ви каже “Тоа е мој живот и немој да ми се мешаш.“
Она што навистина ниту една Водолија не го трпи е кога и е здодевно и едноставно не може да се “скраси“ на едно место.
Личностите кои според хороскопскиот знак се Водолија, во основа се мислители и филозофи, па затоа сакаат да го имаат главниот збор, но тоа не значи дека не знаат да го слушаат и мислењето на другите.
Кога е во прашање љубовта, тие најчесто се вљубуваат во интелигенцијата на својот партнер, а на здодевните личности никогаш нема да им го отворат срцето. Иако често знаат да изгледаат како да сакаат да бидат осамени, тие всушност ја бараат сродната душа со која ќе можат да разговараат до доцна во ноќта.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
