Џоли и Пит- развод тежок 480 милиони долари

Минаа десет години од снимањето на „Господин и госпоѓа Смит“ филм во кој глумат Анџелина Џоли (40) и Бред Пит (52), кога и се заљубија на сетот на филмот.

Деценија подоцна овој пар повторно е пред камерите во драмата „Покрај морето“ режиран од Џоли. Дека и приватно преживуваат вистинска драма стана јасно уште кон средината на минатата година кога се појавија бројни шпекулации дека нивниот брак е на стаклени нозе. Имено, летото меѓу нив избила првата посериозна кавга. Иако имаат веќе шест деца, три биолошки и три посвоени, Анџелина изразила желба да вдоми уште едно сираче по потекло од Сирија. Додека била во оваа земја, глумицата запознала едно момче кое и прираснало за срце, но бидејќи Бред остро се спротивставил на идејата постапката за усвојување не била покрената.

– Тоа за него беше премногу. Бред се загрижи како тоа ќе се одрази на останатите деца и се спротивстави на желбата на Анџелина- откри пред неколку месеци еден нивни пријател.

Овие денови парот повторно е цел на американскиот печат а весникот „Д Нешнел енквајер“, кој прв објави за Шин кој има СИДА, што подоцна се покажа како вистина, тврди дека глумците на 5 декември започнале бракоразводна парница. Во текстот се споменува дека Бред неодамна заминал во Камбоџа, за да се соочи со сопругата за неверство, а таа потоа го обвинила него дека имал афера со една жена и двајца мажи.

Со заеднички имот вреден 480 милиони долари, ова би можело да прерасне во подолга и потешка судска прикаска од било кое холивудско сценарио, коментираат американските медиуми.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.