Првото новороденче во 2016 година во Струшката болница е момче. Од болницата информираат дека бебето е родено во 6 часот и 55 минути со царски рез, а веднаш потоа на свет дошле уште две бебиња.
Бебето и мајката, како што посочуваат од болницата, се чувствуваат добро.
Од Одделението за гинекологија и акушерство во Струга очекуваат уште најмалку три бебиња во текот на денот.
Новогодишната ноќ во Струга поминала без инциденти. Брзата помош немала никакви интервенции, а немало нарушување ниту на јавниот ред и мир.
– Мирна и безбедна беше новогодишната ноќ во Струга. Во градот и околните неселени места не се регистрирани нарушувања на јавниот ред и мир, немаше сообраќајна незгода, ниту друг безбедносен настан, изјави портпаролот на СВР Охрид Стефан Димоски.
Полициски службеници, според него, и денеска се во централното градско подрачје и околните места.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
