СВР-Скопје поднесе кривична пријава против М.Д.(18) од Скопје осомничен за кривично дело „одземање моторно возило“ за што на претходна постапка судија му одредил мерка притвор во траење од осум дена.
Како што соопшти МВР, М.Д. меѓу 27-ми и 28 ноември 2015 година од двор на ул. „,Македонска преродба“ одзел патничко возило „ауди А4“ караван со скопски регистерски ознаки во кое на контакт-бравата биле оставени клучеви од возилото.
Со аудиото 18-годишникот се упатил кон Охрид и на Стража му пукнала гума на возилото, а зад него се случила сообраќајна незгода. Тој застанал за да им укаже помош на лицата, а тие го обвиниле дека бил причинител за сообраќајката, по што сите заедно заминале во полициската станица Струга.
По извршената проверка, полицијата таму констатирала дека по возилото се трага бидејќи било предмет на извршено кривично дело „кражба“, а М.Д. го објаснил начинот на извршување на кривичното дело.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
