Откако семејството доживеало финансиски крах, Мими Тао која во тоа време бил Пхајарант Нобанто дванаесет годишно момче, била испратена во будистички манастир.
Уште пред да замине во манастирот, Мими се чувствувала како женско, но дури зад затворените врати, заедно со уште неколку пријатели почнала така и да се однесува. Иако звучи невообичаено поради местото на кое се наоѓала, но таму почнала повремено да користи шминка и кришум да зборува како девојка. Иако занела дека сака да стане женско, таа се приклонила на манастирот и живела следејќи ги 200 – те строги правила.
По поминати шест години во манастир, Тао решила да го напушти и да си ги оствари сништата. Прво работела во едно познато кабаре, а потоа ја запознала манекенката Јуи Пхетанха кој ја научила на се во врска со моделингот, од тоа како да позира до тоа како да чекори по модната писта.
Првично никој не сакал да ја ангажира и тешко доаѓала до работа, но по неколку реклами и локални ревии во Сингапур, работите се смениле. Кога Тао заминала да живее во Тајланд сите ја прифатиле како голема ѕвезда и нејзината кариера тргнала по нагорен пат. Сега најчесто рекламира долна облека и учествува во голем број на кампањи.
-Никогаш не се знае што носи иднината. Можеби еден ден повторно ќе станам монах. Понекогаш мислам дека тоа беше идеален живот – изјавила Тао која планира да го напушти моделингот откако е ги отплати долговите на нејзиното семејство.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
