Секој трет Грк плаќа поткупи во болница

Секој трет Грк плаќа поткупи кога е во болница, информира денеска главниот инспектор на државната администрација Леандрос Ракинѕис, цитиран од ДПА.

-Една третина од нашите лекари редовно бараат поткупи, една третина би примиле мито доколку им биде понудено такво нешто, а останатите 30 проценти одбиваат поткупи, рече Ракинѕис, кој денеска имаше презентација на истражувањето за корупцијата во болниците, соопшти весникот „Катимерини“.

Големината на поткупите кои пациентите им ги давааат на лекарите варираат од 200 евра за малите оперативни зафати до 5.000 евра за сериозни операции.

Грците ретко се жалат на тоа што се принудени на лекарите да им даваат поткупи и кон властите се обраќаат само при појава на компликации во лекувањето или доколку пациентот почине, пишува „Катимерини“.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.