Поранешниот ракометар на Вардар, Алексеј Растворцев, кој сега го носи дресот на Војводина, заедно со помошниот тренер на српскиот тим, Милан Мирковиќ, успеале да спречат трагедија и можно уривање на авионот кој летал на релација Франкфурт – Белград.
Како што веќе објавивме, јордански државјанин кој имал и американски пасош со име Лакен, сакал да влезе во кокпитот на авионот на „Луфтханза“, посочувајќи дека сака да оди кај Алах и дека сите ќе одат кај Алах.
Но Растворцев и Мирковиќ успеале да го совладаат и да го смират, а авионот слетал безбедно.
„Лакен сакаше да ја отвори вратата и да предизвика хаос. Цело време зборуваше хистерично дека го загубил разумот и дека сака сите да одиме кај Алах. На крајот ракометарите на Војводина успеаја да го смират и авионот слета безбедно“, изјавил сведок на оваа авионска драма за српските медиуми.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
