Актуелниот вицешампион во НБА лигата, екипата на Кливленд, за првпат оваа сезона загуби на свој терен од Вашингтон со 85-97.
Виновен за тоа беше ѕвездата на гостите Џон Вол кој успеа да уфрли 35 поени со одличен шут од поле од 14 погодени од 24 обиди за шут и додаде 10 асистенции. Лидерот на Кливленд Леброн Џејмс постигна 24 поени и имаше 13 скока, но остана без сериозна подршка од своите соиграчи и поразот беше неминовен. Ова е петти пораз за Кливленд оваа сезона, сепак не ги симна од лидерското место во Источната конференција.
Највозбудливиот меч се одигра во Портланд, каде што Далас славеше со 115-112 дури по екстра-времето. Регуларниот дел заврши со 96-96 со поени на Дирк Новицки, а потоа Дамијан Лилард утна обид за тројка за да спречи продолженија. Дерон Вилијамс постигна 30 поени, Новицки 28 кај Далас, додека Заза Пачулија имаше неверојатни 21 скок со 14 коша. Кај Портланд Лилард предводеше со 25 поени и 10 асистенции.
Сенка на останатите натпревари фрли натпреварот во Филаделфија каде гостуваше Коби Брајант и ЛА Лејкерс. Најслабиот тим во лигата успеа да ја прекине црната серија со победата од 103-91 која ја оствари во второто полувреме по негативата од осум поени на полувреме. Најзаслужен беше Ковингтон со 23 поени. Ѕвездата на Лејкерс Коби Брајант беше најдобар во својот тим со 20 коша.
НБА резултати: Кливленд – Вашингтон 85-97, Филаделфија – ЛА Лејкерс 103-91, Бруклин – Феникс 94-91, Минесота – Орландо 93-96, Њу Орлеанс – Мемфис 104-113, Портланд – Далас 112-115 по прод.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
