Премиерот Никола Груевски денеска лично го повика министерот за внатрешни работи Оливер Спасовски да почне истрага за аферата со 30.000 фалсификувани лични карти што ја објави неделникот „Фокус“, откако неговата партија ВМРО ДПМНЕ во изминатата недела го прозва првиот човек на полицијата да го расчисти овој случај.
-Неколку пати слушнав за таа приказна, а од неодамна повторно ја реактуелизираа приказната за наводни 30.000 фалсификувани лични карти. Сега имаме министер за внатрешни работи кој е генерален секретар на СДСМ. Јавно го повикувам министерот за внатрешни работи да го проучи сето тоа, да го истражи и да излезе со резултатите од истрагата – рече Груевски по посетата на Поликлиниката „Јане Сандански“.
Посочи дека и како политичка партија го повикале Спасовски пред една недела, но дека се уште нема резултат од истрагата.- Еве, го повикувам во наредната една недела, две недели, да направи темелна истрага и да излезе со резултатите да видиме кој фалсификувал, дали фалсификувал, колку фалсификувал итн. Доколку навистина има такво нешто, да си сноси одговорност тој што тоа го правел. Доколку нема, СДСМ да и се извини на јавноста за тоа што ги лажела во сите изминати месеци и години дека имало наводни фалсификувани лични карти. Ќе ја следиме работата на министерот. Јас во својство на премиер го повикувам веднаш да пристапи кон истрага и се што ќе открие да даде на суд и даде на јавноста – додаде Груевски.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
Поврзани вести
-
Орбан: Немам време да дишам, а не пак да се сретнам со Груевски
-
Орбан: Сорос е впуштен во прогонот против Груевски, а тој е мој соработник!
-
Груевски: Добив сознание дека ми се подготвува ликвидација
-
Коалицијата „Сите за правично судење“ ја оспорува професионалноста на МВР за обезбедување на Груевски
