Здружението на граѓани за поддршка на Јохан Тарчуловски, по повод неговото враќање во земјава, организира свечена програма за пречек, а „прес 24“ ги објави деталите за бесплатниот превоз.
Од Здружението обезбедиле 50 автобуси кои бесплатно ќе ги транспортираат граѓаните од Скопје до аеродромот „Александар Велики“, а потоа и назад до плоштадот „Македонија“. Автобусите ќе тргнат во 13 часот од паркингот на спортскиот центар „Борис Трајковски“. Обезбедени се и 200 автобуси кои ќе им овозможат на сите граѓани од градовите од внатрешноста на на Македонија бесплатно да пристигнат до Скопје и назад.
Тие ги покануваат граѓаните, во 15.45 часот да дојдат пред Владата на Република Македонија, каде што Тарчуловски ќе има прием кај премиерот Никола Груевски.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
