Турција нема да ѝ се извини на Русија поради соборувањето на рускиот воен авион, изјави денеска турскиот министер за надворешни работи Мевљут Чавушоглу. Не треба да се извинуваме поради нешто за кое сме во право, истакна Чавушоглу.
Тој потсети дека Турција вчера изразила жалење поради инцидентот, објаснувајќи дека станува збор за телефонски разговор меѓу шефот на турската дипломатија и рускиот колега Сергеј Лавров.
Изјавата на Чавушоглу доаѓа откако рускиот претседател Владимир Путин нагласил дека Турција сѐ уште не се извинила поради соборувањето на рускиот „Су 24“ пред два дена во близина на турско-сириската граница, ниту понудила гаранција дека „одговорните за ова злосторство“ ќе бидат казнети.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
