Од грчките банки повлечени 120 милијарди евра во годините на криза

Сто и дваесет милијарди евра се повлечени од Грците од банкарски влогови во годините на кризата.

Само во последната година од банките биле повлечени 45 милијарди евра, од кои околу 36 милијарди евра се смета дека се наоѓаат по домови, банкарски сефови и корпоративни сефови, објавија грчки медиуми.

Податоците биле соопштени од шефот на Јуробанк, Теодорос Каландонис на средба со конфедерацијата на грчките трговци и претприемачи.

Гувернерот на Централната банка, Јанис Стурнарас нагласи дека штедните влогови во грчките банки се целосно гарантирани.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.