Горчина во Грција по предлозите на Нимиц

Грчката влада со незадоволство го пречекала најновиот предлог на медијаторот Нимиц даден вчера во Њујорк.

Грчките медиуми пренесуваат извори во ОН кои тврдат дека предлогот на медијаторот ги покрива сите прашања поврзани до спорот и вклучуваат сложено име со гоеграфска одредница.

Засега се шпекулира со две варијанти едната е Горна Македонија или Горна Република Македонија.

Во врска со барањето на Грција да се користи „ерга омнес“ формулата изворите во Светската организација тврдат дека во предлозите е вклучена „најширока можна употреба“ што дополнително ги плаши Грчките претставници.

Се чини дека Грција е затечена од фактот што иако во предлозите се користи географска одредница сепак во нив еден по друг се наредени зборовите „Република“ и „Македонија“ на што Грција се противи со години а Македонија инсистираше по секоја цена било која додавка да стои пред уставното име.

Дел од грчките аналитичари сметаат дека тоа не е проблем затоа што се работело техничко прашање кое има секундарно значење и тоа само во смисла на англиската граматика и не е поврзана со политичкиот аспект на проблемот.

Предходно Грција според неофицијални информации со години го одбиваше предлогот според кој едната страна треба да го одбере името, а другата страна редоследот на сложеното име.

Практично доколку Грција инсистира на гоеграфска одредница таа да стои пред уставното име Република Македонија а доколку Атина го бира редоследот Македонија може да избере политички термин како демократска или независна.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.