Британската Влада реши двојно да ги зголеми финансиските средства за борба против кибернетскиот криминал, до рекордни 1,9 милијарда фунти до 2020 години, откако беше откриено дека милитантите на Исламска држава (ИД) се обидуваат да развијат можности за спроведување убиствени кибернетски напади во Велика Британија.
Промоцијата на програмата за значителното зголемување на средствата за оваа цел, ќе ја изврши министерот за финансии Џорџ Озборн, кој денеска престојува во седиштето на Главниот прислушен центар на Велика Британија во Челтнам.
Во објаснувањњето за причините за издвојувањње на толку многу пари за пресметката со хакерите на ИД се вели дека во кибернетските напади на исламистичките милитанти може да бидат загубени многу човечки животи, што е и цел на нивните акции.
Сознанијата на безбедносните агенции, врз кои се потпираат анализите на Министерството за финансии, откриваат дека ИД подготвува заговор за спроведување кибернетски напади врз британскиот електроенергетски систем и снабдувањето со струја, врз контролата на воздушниот сообраќај, како и врз болниците.
Велика Британија веќе спроведува антихакерска борба против употребата на интернетот за пропагандата на исламистичките милитанти, против верската радикализација и џихадизмот, но и против планирањето и спроведувањето терористички напади.
Сега се настојува да се прекинат плановите на ИД за хакирање на делови од британската инфраструктура, за да се спречат човечки жртви, кои сигурно ќе ги има доколку успеат кибернетските напади.
Промовирањето на програмата за зголемено финансирање на борбата против кибернетските напади, доаѓа непосредно по терористичките напади во Париз, изврпени во петокот доцна вечерта, во кои беа убиени 129 лица, а други 300 беа ранети.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
