Дански авиони би можеле да се вклучат во нападите врз ИД и во Сирија

Данските авиони-ловци од типот Ф-16, кои учествуваа во нападите на меѓународната коалиција во Ирак, би можеле да се вклучат и во операциите притив џихадистичката група Исламска држава (ИС) и на територијата на Сирија, најави шефот на данската дипломатија Кристијан Јенсен.

Седум дански авиони од минатата година учествуваа во нападите на меѓународната коалиција, предводена од САД, против екстремистите во Ирак. Во септември годинава леталата беа повлечени од мисијата, поради ремонт.

– Мораме што побрзо да ги вратиме данските авиони Ф-16. Владата сака тие што поскоро да се вратат назад со проширен мандат за да можат да се борат прптов ИД, истакна Јенсен во изјава за весникот „Берлингске“.

Одлуката за учество на дански воени авиони и во напади врз цели во Сирија треба да биде оодбрена од Парламентот на Данска. Засега нема најава кога Владата ќе достави барање до Парламентот за „проширување на мандатот“ на данските авиони.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.