Хрватската партија Мост на независни листа (Мост), која по избоирте во неделата стана клучен фактор за состав на новата влада на Хрватска, се соочува со раскол, откако од неа е исклучен еден од најистакнатите претставници Драго Пргомет, јавуваат загребските медиуми.
Пргомет, е поранешен член на Хрватската демократска заедница (ХДЗ) и беше противкандидат на Томислав Карамарко при неговиот избор за лидер на партијата,
Информацијата за исклучувањето на Пргомет е објавена на официјалната страница на Мост на социјалната мрежа Фејсбук, а како образложение за таквата одлука се наведува тоа што тој вчера тајно одржал средба со актуелниот премиер и лидер на Социјалдемократската партија (СДП), Зоран Милановиќ.
– Повеќе не го сметаме за наш член, се наведува во објавата на Мост, при што се додава дека Пргомет ќе го задржи пратеничкиот мандат и партијата нема да го осорува, нависно од тоа дали ќе дејствува независно, ќе го подржува Мост или ќе се приклони кон некоја друга политичка партија.
Хрватските медиуми оценуваат дека од денеска практично постојат две партии Мост, едната на Божо Петров и втората на Пргомет, на кого се очекува да му се придружат 11 од вкупно 19-те пратеници на Мост избрани во неделата.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
