Сите луѓе кои имаат сини очи се роднини.
Се проценува дека помеѓу 20 и 40 отсто Европејци имаат сини очи, но точната причина за сината боја на очите се уште не е позната. Научниците веруваат дека станува збор за генетска мутација и дека генот преживеал бидејќи луѓето со таа боја на очите се сметани за физички попривлечни, па имале повеќе можност да се множат.
Бојата на очите ја одредува количината на пигментот во шареницата на окото. Многу пигмент значи кафеави очи, помалку пигмент имаат луѓе со зелени очи, а малку или речиси без пигмент имаат луѓето си сина боја на очите.
Дури 16 гени ја одредуваат бојата на очите, но двата се главни „ХЕРЦ2“ и „ОЦА2“, со тоа што „ХЕРЦ 2“ го активира „ОЦА2“, а овој потоа ги активира протеините кои произведуваат пигменти.
Ако еден од овие два гени мутира и не ја извршува својата функција доаѓа до прекин на синџирната реакција и протеините не создаваат пигменти, а резултатот на тоа се сини очи.
Секој има по два од секоја врста на гените во своето тело, по едно од таткото и од мајката. Ако еден родител има мутиран „ОЦА2“ ген, а кај другите сите се „нормални“ детето ќе има кафеави очи.
Ако двата родители имаат мутиран „ОЦА2“ , постојат дури 25 отсто шанси дека и детето ќе има сини очи. Теоретски, скриениот мутиран „ОЦА2“ може да се пренесува низ семејството со генерации, а никој да нема сини очи.
Истражување спроведено на универзитет во Копенхаген проучувало ДНК на луѓето со сини очи и открило дека 99,9 отсто од нив имале мутација на „ОЦА2“ генот.
Поради тоа научниците веруваат дека сите луѓе со сини очи потекнуваат од еден заеднички предок, што значи дека сите всушност се роднини.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
