Тригодишно дете е повредено во сообраќајна несреќа која вчера околу пладне се случила на локалниот пат во гостиварското село Балиндол.
– Детето претходно седело на предното седиште од возилото „голф“, кое било запрено, а го управувал неговиот дедо. Во еден момент, тоа ја отворило вратата и трчајќи за да ја премине улицата удрило во „опел“ управуван од 53-годишниот З.Ф, кој бил во движење, информираат од СВР Тетово.
Детето по ударот се здобило со тешки повреди (фрактура на десна подколеница), пренесено е во гостиварската болница и потоа итно било префрлено на скопските клиники за натамошно лекување.
Полицијата на местото на несреќата извршила увид.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
