Аларматно е загадувањето на воздухот и денеска. Во Центар се измерени највисоки концентрации од 230 микрограми, во скопско Лисиче 215, Тетово, 200, Карпош 170, Ректорат и Миладиновци по 150, Кочани 120 и Битола 100 микрограми.
Загадувањето, односно концентрациите се повисоки во попладневните часови и во текот на ноќта. Така, во Тетово вчера максимално се измерение 553 микрограми, во Карпош 400, Центар 350, Лисиче 320, Ректорат и Миладиновци по 250, Битола 200 и Кочани 144 микрограми на метар квадратен.
Во случај на надминување на максимално дозволените концентрации на суспендирани честички со големина до 10 микрометри PM10 пет последователни дена со среднодневни концентрации над 50 mg/m3 се препорачува користење јавен превоз, да не се користи за затоплување на простории прегорено отпадно масло, лакирани или обоени отпадоци од дрво и мебел, стиропор, ПЕТ амбалажа, парчиња гума и каков било синтетички материјал и правилно користење на печките на дрва.
Во вакoв случај Министерството за здравство и Институтот за јавно здравје на РМ препорачуваат ограничени движења и активности на отворен простор на најранливата популација – деца, стари лица, болни од хоронични болести на белодробниот и срцевиот садовен систем, со посебен ризик за болните од бeлодробна астма, но и за лицата кои својот професионален ангажман го обавуваат на отворен простор во загадените зони на градот.
Градот Скопје во насока на намалување на загадувањето почна со третирање на градските улици со средството калциум магнезиум ацетат.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
