Извесен Иван Г, кој себе си се нарекува Доминиус (господар) на неговиот профил на Фејсбук објавува непристојни понуди за девојчиња. Профилот е преполн со експлицитни фотографии, а социјалната мрежа не го забранува наспроти бројни пријавувања.
Иван Г. од Србија наведува дека денешните девојчиња прифаќаат да имаат секс за 500 динари или бурек и јогурт.
Постојано објавува девојки кои ги фотографирал додека наводно биле со него, а кои ниту малку не изгледаат полнолетни (иако можеби и се), овој маж се претставува под името Доминиус а на девојчињата им се обраќа нарекувајќи ги „моите мили мали девојчиња“.
На некои од фотографиите објаснува дека некои од нив „добро ќе ги опреми“ и е „направи вистински жени“.
Реагирајќи на неговите дегутантни постови и изјави, тие кои го следат на Фејсбук постојано го нарекуваат дека е педофил и го повикуваат да оди да се лекува, на што тој им враќа со потсмев и навреди како што се „малоумни“ и „плитки умови“ префрлајќи им дека тие „не знаат ниту што значат тие зборови“ како и дека тие „не можат да ја учат полицијата на нејзина работа“.
Како што изјавиле за српски Телеграф тие кои се обиделе да го пријават Иван Г. на фејсбук и да го блокираат, во тоа не успеале, па е сосема нејасно како оваа социјална мрежа дозволува толку експлицитни содржини. А не е јасно ниту дали е во прашање лажен профил (што е веројатно), како ниту дали профилната фотографија на овој профил е од некој друг корисник на оваа социјална мрежа.
Иван Г. Им порача на сите кои имаат нешто против неговото однесување дека ова „не е времето на Тито, кога луѓето ги праќаа на робија по пријава од граѓаните“, уверен дека никој ништо не му може, додека споделува разголени фотографии на исклучително млади девојки во долна облека, во исто време нарекувајќи ги девојчиња кои „штотуку престанале да моачаат во нокшир“.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
