Јамајканскиот „крал“ на спринтот Усеин Болт и холандската атлетичарка Дафне Шиперс се прогласени за најдобри спринтери за 2015 година во изборот на ИААФ. Тие добија најмногу гласови од членовите на Советот на ИААФ, претставниците на националните федерации, директорите на митинзите, новинарите и спонзорите, кои учествуваа во овој избор.
Болт ги одбрани светските титули во спринт на 100 метри и на 200 метри, беше најдобар и во штафетата 4 х 100 метри со тимот на Јамајка.Тој го оствари и резултатот на сезоната на 200 метри, откако истрча време од 19,55 секунди.
Дафне Шиперс го подобри европскиот рекорд на 200 метри (21.63 секунди) освојувајќи светско злато, а на 100 метри стигна до сребрениот медал. Таа стана европски првак и на натпреварувањето во сала во дисциплината на 60 метри (7.05 секунди).
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
