Голем број луѓе уживаат во летањето и се релаксирани во моментот кога треба да ѝ се препуштат на машинеријата која ќе ги вивне во височините, како и на луѓето што ќе управуваат со таа машинерија. Но, некои, сепак, се плашат и стравуваат од тоа што го знаат и од она што не го знаат. Кога човекот е свесен за одредени детали, стравот понекогаш му се намалува. Откриваме десет тајни кои стјуардесите и пилотите не сакаат да ви ги откријат кога се подготвувате за летот.
1.Дали знаевте дека од моментот кога ќе ви се појават маските со кислород над главите, имате само 15 минути кислород? Тоа е доволно време пилотот да го спушти авионот на висина на која е можно нормално дишење, па не постои причина за паника.
2.Дали знаете која е вистинската причина зошто светилките за време на слетувањето ноќе се гасат? За да може очите да ви се приспособат на темница доколку нешто тргне во несакан правец. А и мора брзо да го напуштите авионот.
3.Дали знаевте дека молњите ги погодуваат авионите во лет, иако вие тоа не го забележувате? Можеби и не требаше да ви го откриеме тоа…
4.Интересен е и фактот дека тоалетот во авион може да се отклучи и однадвор. Кога сте заклучени, всушност во секој момент некој може да ве отклучи однадвор.
5.Знаете ли дека пилотите во авион имаат дополнителна храна во случај еден вид од храната да е отровен?
6.Доколку за време на летот се случи несреќа, поголем број комерцијални авиони може да летаат и само со еден мотор.
7. Сѐ уште не постои точно објаснување зошто секогаш мора да ги исклучиме мобилните телефони и компјутерите за време на полетувањето.
8.Кога на авионот ќе му откажат двата мотора, тој може да лета уште некое време. Затоа слетувањето и полетувањето се најкритичните делови од летот.
9.Водата во авионите не е со некој квалитет. Некои авиони се прилично стари, дури и по 50 години, а тоа најчесто значи дека толку се стари и резервоарите за вода, кои речиси никогаш не се чистат.
10.Иако во авионите е забрането пушењето, во тоалетите може да се најдат пепелници. Објаснувањето е дека доколку некој го прекрши правилото и дојде во искушение да запали цигара во тоалет, тогаш мора да има и сигурно место каде ќе ја угаси.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
