Грчкиот остров Лезбос остана без места за погребување на телата на мигрантите, кои се обидуваат да стигнат до Европа, изјави градоначалникот Спирос Галинос, а тимовите за брза помош на островот почнаа протести поради намалувањето на буџетот за прекувремена работа.
Речиси неподносливиот притисок врз мртовечниците на Лезбос, гробиштата и брзата помош се појави како последица на рекордниот број мигранти и бегалци, кои го минале Медитеранот минатиот месец.
Според податоците на Обединетите нации, повеќе од 218 илјади мигранти пристигнале минатиот месец, што е месечен рекорд, а е поголем број во однос вкупниот број мигранти во 2014 година.
Галинос изјави дека во мртовечницата се наоѓаат повеќе од 50 тела, за кои властите и натаму се обидуваат да пронајдат место за погреб. Тој додаде дека се обидел да ја забрза процедурата да средување на земјиштето покрај гробиштата со цел да се ископаат нови гробови.
Стотици илјади лица оваа година тргнаа на кусо и опасно патување од Турција до грчкото крајбрежје.
Возачите на брзата помош протестираа во главниот град на островот, Митилини, а на децата бегалци им дадоа облека.
Шефот на здружените работници на брзата помош Костас Филис изјави дека пет возила чекаат на поправка и оти поради недостиг на персонал тие се принудени да работат и до 16 часа дневно
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
