Градоначалникот на Грац, Зигфрид Нагл побараа построги мерки на австриските власти во справувањето со бегалскиот прилив, кои би опфаќале затворање на границата на Австрија кон Словенија и забрана за влез на имигранти мажи во земјата.
Во интервју за весникот „Кронен Цајтунг“, Нагл предлага на имигрантите мажи „принципиелно“ да им се забрани влез во Австрија, нагласувајќи оти е свесен дека на тој начин ќе бидат предизвикани „немили сцени“ на границата при раздвојувањето на семејствата.
– Мораме да ја затвориме границата кон Словенија, што е можно подобро, иако сум свесен дека е невозможно која било граница да се направи целосно непропустилва- вели Нагл, кој е член на конзервативната Австриска народна партија.
Тој смета дека австриските власти мора да преземат ваква мерка, бидејќи „прашање на недели“ е кога Германија ќе донесе одлука за затворање на своите граница, па во таков случај имигрантите би остабале во Австрија,
– Затоа ни е потребен „Олан Б“, а тој би бил затворање на границата со Словенија- смета градоначалникот на Грац, главен град на австриската покраина Штаесрка, која граничи со Словенија.
Според Нагл, мора „да им се пружи рака“ на жените, децата или малолетниците кои бегаат сами и за нив мора да се најде сместување и да им се помогне.
– Но, на мажите кои ќе сакаат да дојдат кај нас мораме јасно да им ставиме до знаење дека за нив нема место тука и тоа треба да до знаат уште пред да се упатат на пат кон нас- наведува Нагл.
Ваквиот свој став тој го спореди со состојба при бродолом, каде, како што рече, „право се спасуваат децата и жените, а не мажите“.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
