Научници го истражуваат дејството на доматниот сок врз човечкиот организам. Во истражувањето учествувале жени на различна возраст, со различна тежина и потекло. Во текот на два месеци тие пиеле по една чаша доматен сок на ден. За време на експериментот учесничките во него не ги смениле секојдневните навики, а само по неколку дена утврдиле дека ослабеле.
Научниците нагласуваат дека не станува збор за губење на течности во организмот, туку за топење на мастите. Учесничките во експериментот намалиле во половината во просек по 1,6 -2 см., Имале пониско ниво на холестерол и зголеменото ниво на ликопен во крвта, антиоксиданс кој позитивно влијае на здравјето.
Доматите се нискокалорични и во сок од 0,35 л. има само 80 калории. Тие се богати со натриум, калциум, калиум, магнезиум, витамин B, C и АБ. Докажано е дека високото присуство на ликопен во доматниот сок го спречува развојот на канцерогените клетки, ги прочистува крвните садови и го спречува појавувањето на срцеви болести.
Сокот од домати помага во намалување на крвниот притисок, спречува тромбоза, ја регулира работата на црниот дроб, панкреасот и жолчката. И што е најважно, за да го почувствувате ефектот, потребно е да конзумирате домашен доматен сок, подготвен од свежи или варени блендирани домати. Сокот од домати во продавница содржи конзерванси и многу шеќер.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
