Сириските војници кај Алепо го убиле лидерот на терористичката група „Фронтот алНусра“ (Јабхат алНусра), Египѓанецот Абу Сулејман ал Масри, јави агенцијата Спутник, повикувајќи се на неименуван извор.
Лондонскиот весник „Дејли мејл“, исто така, јави дека АлМасри е убиен и дека оваа сунитска џихадистичка милиција, која се бори против владините сили во Сирија, тоа го потврди.
Фотографии на неговото безживотно тело, во крв и со рани, веќе се ставени на Интернет, наведува лондонскиот весник во своето интернет издание.
Причината за смртта на АлМасри се уште не се соооштува, но се смета дека станува збор за „разорен удар“ врз оваа терористичка група.
Според неименуваниот саговорник на Спутник, терористот е убиен во текот на борбените дејствија кај селото ТалалКарсани, во близина на Алепо.
„Фронт ал Нусра“ се смета за огранок на терористичката организација Ал Каеда во Сирија.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
