Шефот на тајландската полиција, генералот Чактип, денеска соопшти дека најголем дел од осомничените ја признале вината. Нивното транспортирање од воениот затвор во Криминалниот суд го следеа голем број медиуми, а неколку ТВ канали директно го пренесуваа транспортирањето.
Шефот на полицијата соопшти дека надлежните власти замрзнале најголем дел од имотот на познатиот претскажувач на судбината и другите осомничени.
Од признанијата на осомничените полицијата дознала имиња на други познати личности кон кои ќе ја насочи натамошната истрага. Има аналитичари кои сметаат дека „трагите“ водат и до членовите на кланот Шинаватра, од чие семејство произлегоа двајцата тајландски премиери сменети со воен удар, Таксин и Јинглук Шинаватра.
Законот за заштита на угледот на кралот и монархијата властите најчесто го користат кога во Тајланд се сменуваат цивилните со армиски власти. Лепезата на можни обвинувања е мошне широка, а обвиненијата и пресудите за дела што се сметаат за навреда и омаловажување на монархијата се поткрепуваат со заклучокот дека со тоа се загрозува и стабилноста на сијамското кралство.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
