Премиерот Груевски во Мадрид се сретна со норвешката премиерка Солберг

Премиерот Никола Груевски, на маргините на Конгресот на ЕПП во Мадрид, имаше средба со норвешката премиерка Ерна Солберг.

Соговорниците, информираат од владината прес-служба, дадоа позитивна оценка за меѓусебните односи што ги карактеризира пријателство, меѓусебно почитување и поддршка.

Премиерот Груевски ја информираше норвешката колешка Солберг за економско-политичката ситуација на Македонија, за реформите што се преземаат и за посветеноста на Владата за подобрување на животниот стандард на граѓаните.

Солберг ја потврди поддршката на Норвешка за македонската интеграција во НАТО. Посочи дека Норвешка е пријател на Македонија.

Двајцата премиери изразија заемна подготвеност за дополнително продлабочување на односите, особено во економијата и искористување на потенцијалите што стојат на располагање.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.