Петмина припадници на НАТО загинаа во хеликоптерска несреќа

Воен хеликоптер на коалициските сили во Авганистан се урна вчера при слетувањето во НАТО база во Кабул, при што загинаа пет војници, а петмина се повредени.

Сите загинати се припадници на силите на НАТО, но засега не се знае нивната националност.

Британското Министерство за одбрана соопшти дека двајца нејзини припадници се меѓу загинатите во несреќата на хеликоптрот Пума Мк2. Во соопштението се наведува дека хеликоптерот се урнал во недела во 16.15 по локално време и дека истрагата е во тек.

Претходно, воениот портпарол, американскиот полковник Брајен Трајбус изјави дека се случил инцидент, при што хеликоптерот закачил сајла која држела балон за набљудување и оти балонот се откачил од врската.

Според авганистански очевидец, сајлата се замотала околу роторот на хеликоптерот, кој потоа се урнал.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.