На две кинопроекции, во 18 и во 20,30 часот, во салата „Бели мугри“ и со бесплатни влезници љубителите на филмската уметност ќе можат да го проследат најновиот македонски филм.
„Трето полувреме“ е приказна од времето на Втората светска војна и е посветена на неколку луѓе собрани околу најзначајната споредна работа во светот, фудбалот.
Филмот е посветен на играчите на ФК Македонија, нивниот германско-еврејски тренер Рудолф Шпиц и основачот на клубот Димитрија, кој треба да избере меѓу љубовта кон тимот или лојалност кон новиот поредок.
Филмот е инспириран од вистинските случки во Македонија за време на бугарската окупација во Втората светска војна.
Режисер на филмот „Трето полувреме“ е Дарко Митревски, сценарист Гргур Струјиќ. Во него играат актерите: Сашко Коцев, Катерина Ивановска, Раде Шербеџија, Игор Ангеловски, Ѕвезда Ангеловска, Петар Арсов, Митко Апостолов, Бедија Беговска, Гораст Цветквоски и други.
Проекцијата на „Трето полувреме“ во Велес се случува откако министерството за култура на велешки театар му додели дигитален кино проектор. Инаку, Велес речиси една деценија нема градско кино.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
Поврзани вести
-
Специјална проекција на филмот „На мапата“ посветен на Тал Броди, кошаркар на „Макаби“
-
Погледнете како се пишува добар роман во „Работилница“
-
По пауза од 13 години синоќа во Македонска Каменица имаше проекција: „Исцелител“ привлече бројна публика
-
Лидер: И градоначалникот на Велес дел од аферата „Фонд за иновации“
