Следната година 21 милијарда денари ќе се издвојат за изградба на патишта, како изградба на трите автопати Скопје – Штип, Кичево – Охрид и Демир Капија – Смоквица, како и многубројни регионални патишта меѓу кои патот од Радовиш до Штип и од Штип кон Кочани, кој ќе почне да се гради в година и ќе овозможи подобрување на конкурентноста на македонската економија.
Ова го истакна вицепремиерот и министер за финансиии Зоран Ставрески, кој денес е во посета на општина Босилово.
Вицепремиерот истакна дека буџетот за 2016 година има силна развојна компонента и историско највисоко ниво на капитални инвестиции во вкупна вредност од 37,5 милијарди денари.
– Конкретно, за струмичкиот регион, по изградбата на патот од Струмица до Радовиш, како и експресниот пат од Радовиш до Штип, ќе се подобри конкуреноста на економијата. Како и со изградбата на автопатот од Штип до Скопје, со што од Струмица до Скопје ќе се стига за помалку од еден и пол час. Тоа ќе овоможи развој на регионот на југоисточна Македонија и подобрување на конкурентноста на фирмите. Покрај тоа има и други инфраструктурни проекти кои се од значење како почетокот на изградба на клиничката болница во Штип, изградбата и реновирањата на училишта, на спорски објекти, на комунална инфраструктура – изјави вицепремиерот Ставрески.
Тоа, како што рече, се проекти вградени во буџетот и ќе дадат импулс за развој на македонската економија, односно да го постигнеме очекуваниот пораст од четири отсто.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
