Завршено вештачењето на возилото на Младенов – доказите испратени кај истражен судија

Вештачењето на возилото на новинарот Никола Младенов е завршено и денеска ќе биде доставено на истражен судија, соопшти министерката за внатрешни работи Гордана Јанкуловска.

Судијата го добил и извештајот на судска медицина во кои се наведени причините за смртта на Младенов кој загина во сообраќајна несреќа минатата недела на патот Велес – Скопје, кај клучката кај Хиподром.

– Во однос на суштината и содржината на тоа што е утврдено во вештачењата, прашањата и одговорите ќе мора да ги упатите до истражниот судија, кој е единствен надлежен во овој момент да ја води истрагата. Ние завршивме со крим-техничките вештачења и во текот на денов извештаите за кои добивме наредба да ги направиме ќе му бидат презентирани на самиот истражен судија. Потоа, во зависност од неговите согледувања и сите други информации со кои располага, останува да процени кога, дали и во каква форма ќе ја информира јавноста за деталите на овој случај – изјави Јанкулоска.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.