Времето денеска претпладне во Македонија ќе биде сончево и топло. Попладне во северозападните делови повторно ќе има појава на мала до умерена облачност. Ќе дува ветер од југоисточен правец.
Утринската температура ќе се движи од девет до 17, а дневната од 27 до 33 степени.
Во Скопје времето ќе биде претежно сончево со утринска температура до 14 и дневна до 32 степена.
Во наредните денови ќе преовладува претежно сончево време, а температурите ќе бележат пораст во петок кога е очекува да се движат во интервал од 30 до 36 степени. Благо опаѓање на температурите ќе започне од викендот, а од недела попладне ќе има и локален дожд со ретки грмежи.
УВ-индексот до сабота ќе има вредност 6.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
