Една 16-годишна девојка почина вчера во градот Макени во северниот дел на Сиера Леоне, како последица на инфицираност со вирусот на еболата, соопштија денеска властите на оваа западноафриканска земја.
Во последниве шест месеци во северната провинција Бомбали, во која се наоѓа Мекени, не беше регистриран ниту еден смртен случај како последица на болеста.
Ова е втор смртен случај од ебола во Сиера Леоне во последниве две недели, што би можело да ги побие оптимистичките оценки дека земјата успеала целосно да се справи со епидемијата.
Пред две недели како последица од еболата во една друга областа на Сиера Леоне почина 67-годишна жена.
Националниот центар за борба против еболата на Сиера Леоне соопшти дека двата смртни случаи не се поврзани.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
