Лидерот на Ал Каеда Ајман Ал Завахири ја отфрли групата Исламска држава и нејзиниот лидер Абу Бакр ал Багдади како незаконски, во аудио снимка објавена на интернет.
Завахири, сепак, нагласи дека неговите приврзаници ќе ги поддржат џихадистите на ИД во нивната борба против западата коалиција во Ирак и Сирија, ако тоа биде можно.
– Не го признаваме овој калифат, истакнува Завахири на снимката, за која се верува дека е изработена пред најмалку осум месеци.
Наспроти ривалството меѓу Ал Каеда и ИД, Завахири нагласи дека постои простор за нивна соработка за борба против Западот.
– Наспроти големите грешки на ИД, да сум во Ирак или Сирија би соработувал со нив за убиство на крстоносците и секуларистите и шиитите, иако не го признавам легитимитетот на нивната држава, бидејќи работата е поголема од тоа, порача Завахири.
Групата ИД, која контролира голем дел од Ирак и Сирија, се залага за формирање на калифат на Блискиот Исток.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
Поврзани вести
-
Македонец подготвувал терористички напад во името на Исламската држава во Италија
-
Голема акција на турската полиција, уапсени 23 лица: Терористите спремале „сензационален напад”
-
Приходите на ИД од продажбата на нафта за две години се намалија за 90 отсто
-
ИД ја презеде одговорноста за нападот во лондонското метро
