Во Велес во август во однос на претходните два летни месеци е зголемен на бројот на цревни заболувања-ентероколитиси.
Во текот на август во Велес има регистрирано 138 пациенти со цревни заболувања.
Во изјава за МИА д-р Билјана Трајкова епидемиолог од ЈЗУ Центар за јавно здравје Велес, потенцира дека тоа е двојно повеќе пациенти споредено со јули кога биле регистрирани 65 или петтпати повеќе од јуни кога имало реегистрирани 29 пациенти.
– Нема причина за паника. Тоа е вообичаено за летните месеци да преовладуваат овие цревни заболувања со симптоми на повраќање, изнемоштеност и проливи, што се должи на недоволната лична и хигиената на приготвување храна код страна на поединци. Затоа и апелот од мене како лекар епедемиолог до граѓаните е повеќе да внимаваат на хигиената, потенцира д-р Трајкова.
Инаку, во август според евиденцијата на ЈЗУ Центар за јавно здравје во Велес биле регистрирани и четири пациенти со варичела или попозната како овча сипаница.
Регистрирано е и едно лице заболено од бруцелоза, што е втор случај на оваа болест во Велес годинава.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
