Во Кинотека на Македонија утре, со почеток во 20 часот, ќе се одржи промоција на документарниот филм „Поет на rеволуцијата“, чие сценарио и режија се на Диме Ратајкоски, а е посветен на добитникот на 51. издание на Струшките вечери на поезијата, јужноафриканскиот поет Монгани Вали Сероте.
Документарниот филм е во продукција на Македонската телевизија и претставува продолжение на низата поетски портрети кои секоја година оваа телевизија ги посветува на добитниците на престижната наградата „Златен венец“ на СВП.
Филмот се концентрира на животот и на творечкиот опус на Монгани Вали Сероте, еден од најреномираните африкански поети и ревулуционери против власта на Апартхејдот.
Поетот е добитник на многу престижни награди, меѓу кои спаѓаат „Нома“, значајна награда за издаваштво во Африка, во 2004 година ја добил и големата награда „Пабло Неруда“ во Чиле, а од неодамна се здобил и со државното признание на Јужна Африка редот на „Икаманга во сребро“. Монгани Вали Сероте е почесен член на Друштвото на писатели на Република Македонија.
Режисерот е уредник на првиот програмски сервис на Македонската радио-телевизија.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
