Поранешната најдобра светска тенисерка, Каролине Вознијацки е елиминарана во второто коло од УС Опен од чешката тенисерка Петра Четковска со 2-1 во сетови. Иако имаше дури четири меч топки Вознијацки не успеа да слави победа и да се пласира во третото коло.
Петра Четкова славеше во првиот сет со 6-4 и имаше огромна предност во вториот кога водеше со 4-1. Сепак петтата носителка на УС ОПен смогна сили дојде до пресврт и со 7-5 го освои сетот. Кога се очекуваше Данката да дојде до целосен пресврт во третиот сет, тој мораше да се игра во тај-брејк иако не успеа да реализира ниту една од четирите меч-топки. Во тај-брејкот, Четковска беше убедлива и го доби со 7-1 на поени.
– Можам да се обвинам само себеси за овој пораз. И дозволив на противничката да се разигра, а потоа беше многу потешко. Ќе извлечам поуки од оваа елиминација – изјави Вознијацки по поразот.
Роџер Федерер експресно го совлада Стив Дарсис од Белгија со 3-0 во сетови. Во првиот и во третиот сет му препушти само по еден гем на противникот, додека вториот го доби со 6-2. Томаш Бердих исто така со 3-0 во сетови (7-6, 6-1, 6-3) го победи Австриецот Јирген Мелцер.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
