Најмалку 11 мртви при пад на воен авион на улица во Англија (видео)

Најмалку 11 луѓе загинаа во пад на авион на аеромитингот во саботата во близина на Шорехам, на југот на Англија.

– Идентификувавме 11 луѓе за кои мислиме дека многу веројатно загинале во таа несреќа – изјави претставник од полицијата во Сасекс.

Тој, исто така, предупредил дека конечната бројка може да биде и поголема.

Очевидски кажуваат дека авионот изведувал маневра за време на аеромитингот со авион од типот „хоукер хантер“ (британски ловец што се користел во текот на 50-тите и на 60-тите од минатиот век), но маневрот не го извел до крај и се урнал на пат во близина. Пилотот, вработен во „Бритиш њрвејс“, бил хоспитализиран во критична состојба.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.