Ципрас поднесе оставка, ќе бара чист мандат на предвремени избори

Грчкиот премиер Алексис Ципрас поднесе оставка и најави предвремени избори на 20 септември.

Во телевизиско обраќање што се уште е во тек, Ципрас рече дека има чиста совест и побара од гласачите чист мандат.

Лидерот на опозициската Нова демократија Вангелис Мимаракис ќе одржи прес конференција по обраќањето на Ципрас. Изјави ќе дадат и лидерите на Потами и ПАСОК Ставрос Теодоракис и Фофи Генимата.

Лидерот на Независни Грци, министерот за одбрана Панос Каменос, претходно најави дека на изборите неговата партија ќе настапи самостојно.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.